ESTV
ევროპული სკოლის ტელევიზია
ESTV არის ევროპული სკოლის სატელევიზიო სტუდია , რომელიც წარმოადგენს მოსწავლეთა და პედაგოგთა დახმარების დეპარტამენტის შემადგენელ ნაწილს.
ESTV –ს ხელმძღვანელობს რეჟისორი, პროდიუსერი, საბავშვო ფილმების საერთაშორისო ფესტივალის “ოქროს პეპელა” დირექტორი ირაკლი ჯაოშვილი.
ESTV – ეს საბავშვო სატელევიზიო სტუდიაა, რომელიც აღჭურვილია თანამედროვე ციფრული ტექნიკით. სკოლის შენობასა და ტერიტორიაზე შექმნილია საკაბელო ქსელი, რომლის საშუალებითაც სატელევიზიო სიგნალი მიეწოდება 220 მონიტორს. ისინი განთავსებულია კლას-კაბინეტებში, საკონფერენციო და ადმინისტრაციულ ოთახებში, ბიბლიოთეკებში, დერეფნებში, სასადილოში, კაფეტერიასა და სკოლამდელი აღზრდის ცენტრში.
ESTV- ს აქვს საკუთარი სიმბოლოები: ლოგო, ქუდი.
ESTV საკაბელო ქსელში მაუწყებლობს დილის 8:30-დან საღამოს 17:30-მდე;
ESTV-ს ძირითად ამოცანას სასწავლო პროცესის ხეშწყობა და დახმარება წარმოადგენს ESTV-ს აქვს საეთერო ბადე, რომლის დაგეგმვა ხორციელდება წინასწარი განაცხადების საფუძველზე შემდეგი პრინციპით; პედაგოგი აკეთებს განაცხადს, თუ რომელ დღეს, რომელ გაკვეთილზე სურს აჩვენოს მოსწავლეებს წინასწარ მომზადებული ვიდეომასალა. ESTV კი ტექნიკურად უზრუნველყოფს აღნიშნულ პროცესს. გაკვეთილზე სამეცნიერო, დოკუმენტური თუ მხატვრული ვიდეომასალის ჩვენება ეხმარება მოსწავლეებს უფრო საფუძვლიანად და ღრმად გაიაზრონ შესასწავლი საგანი და კონკრეტული თემა .
ESTV – სასწავლო–შემოქმედებითი ლაბორატორიაა, რომელიც მოიცავს: საეთერო სტუდიას, სააპარატოსა და სამონტაჟოს, ასევე გახმოვანების სტუდიას. აქ მოსწავლეები ეუფლებიან ტელე-ჟურნალისტიკის საფუძვლებს სწავლობენ სატელევიზიო ტექნიკის მუშაობის პრინციპს და პრაქტიკულად ახორციელებენ თავიანთ იდეებს.
ესენია: საინფორმაციო სიჟეტები , სხვადასხვა თემატიკის საავტორო გადაცემები, დოკუმენტური ფილმები სკოლის ცხოვრების მნიშვნელოვან ფაქტებსა და მოვლენებზე, მუსიკალური კლიპები, სოციალური და სარეკლამო რგოლები.
ESTV ყოველი წლის ოქტომბრის ბოლოს აწყობს სატელევიზიო სიუჟეტების კონკურსს თემაზე “ჩემი კლასი” და ავლენს გამარჯვებულებს შემდეგ ნომინაციებში: საუკეთესო რეპორტიორი, საუკეთესო წამყვანი და საუკეთესო რეჟისორი.
ESTV–ს ბაზაზე 2011 წლის 1 ივნისიდან ჩამოყალიბდა საბავშვო კინოსტუდია და საბავშვო ფილმების საერთაშორისო ფესტივალი “ოქროს პეპელა”, რომელშიც მონაწილეობენ 18 წლამდე ასაკის მოზარდები. ფესტივალის პროგრამაშია: მოკლემეტრაჟიანი ფილმების კონკურსი, მასტერკლასი, ვორქშოპი და დაჯილდოვების საზეიმო ცერემონია. ფესტივალი ყოველწლიურია და გამოავლენს გამარჯვებულებს 10 ნომინაციაში. კონკურსს აფასებს კომპენტენტური ჟიური და ბავშვთა ჟიური.
2020 წელს განახლდა ESTV ს ტექნიკური ბაზა: სტუდია აღიჭურვა ბოლო თაობის ციფრული (CANON, SONY))ფოტო და ვიდეო კამერებით, “DRONE” კამერით , ვირტუალური (მწვანე) სტუდიით , ლოკალური და მხატვრული განათების და გახმოვანების თანამედროვე სისტემებით, მოძრავი და მყარი შტატივებით.
